FLT Work: In Fulcieri Paulucci de Calbolis memoriam sanctissimi herois

IN FULCIERI PAULUCCI DE CALBOLIS
 MEMORIAM SANCTISSIMI HEROIS

1
	Germen augustum generis Latini

2
nuper in caeli spatiis receptum,

3
cur in excelsa Indigetum corona

4
		dulce moveris?

5
	Patria gaudes, avide auguratus,

6
prospera fama merito decora,

7
laeta fatorum solide explicante

8
		mente Beniti

9
	Quod feretri unum decus appetisti,

10
Patriae signum, bene nunc sacratis

11
terminis splendens agitatur auris

12
		Te excruciato.

13
	Non quidem vitam semel immolasti

14
impetu legem profitentium olim

15
inclitam Christi, patriae fidelis

16
		sanguen adusque

17
	Omnia hic sacre merito loquuntur

18
iugiter de Te nitideque fulget

19
Italis nunc in Capitolio alto

20
		Fortis imago.

21
	Dux Tui recte tribuit stupescens

22
saeculo nostro speciem aemulandam,

23
offici cui quis similis sacerdos

24
		invenietur?

25
	Aureis sane memorentur inde

26
litteris luces geminae, colendae

27
patriae in fastis, Tibi quae pararunt

28
		vulnera honesta.

29
	Quî fremens corpus miserum indolescens

30
audiit, foedum! maculam nefastam

31
agmini nostro! subito cupisti

32
		firma sonare.

33
	Municeps clarus, duce quo sereni

34
Itali crescunt, animis movendis

35
militum Tecum sociavit altum

36
		mentis acumen.

37
	Una vox tantum Tibi erat superstes;

38
hanc et invicte Italiae sacrasti,

39
vulnerum tamquam valide ferentes

40
		corpore signa

41
	Patriam sane moriens ocellis

42
lacrimis udis tenere expetisti,

43
usque victurus celeber triumpho

44
		sanguine parto.

45
	Lucidis caeli spatiis renidens

46
in choro heroum patriae superbo

47
Italos ducas dubio usque calle

48
		sidus amicum.

In Fulcieri Paulucci de Calbolis memoriam sanctissimi herois - 1929