PDF
EXPORT
Duci, dum Roma renascitur - 1929
AUTHOR
Patrium servavit honorem.
Duci,
dum Roma renascitur.
1
Te Roma nobis progenuit potens
2
ad Tibris undam sanguine Romuli,
3
sol ne quid aeterno per aevum
4
lumine viseret Urbe maius.
5
Segnis jacebat Roma, suae prope
6
oblita laudis. Cui sub originem
7
tot vultures caelo volantes
8
augurium cecinere faustum,
9
dum sulcat alto vulnere Romulus
10
terram, jugato praevalido bove,
11
ad ima fatalis Palatî
12
frondibus omnigenis odora;
13
quam miles acer bella per omnia
14
fecit profuso sanguine nobilem,
15
et ferrei virtus Catonis
16
Scipiadasque tulere ad astra,
17
heu! Roma languet, sordida res, humi;
18
nec jura prosunt vel data gentibus
19
pax alma vel totum per orbem
20
imperium sine fine vastum.
21
Quid dura fregit pectora fortibus,
22
queis tanta fulsit gloria, Teutonum
23
exercitu immani retuso
24
perniciem laribus minantum?
25
Hostem ruentes turbinis impetu
26
per dira mortis mille pericula
27
stravere supremo duello:
28
undique terra madet cruore.
29
At, querna postquam serta revinxerant
30
frontem virorum et savia per domos
31
victoribus dat florida uxor
32
et pueri saliente corde,
33
vis caeca mentes abripit Italis.
34
Vastantur urbes seditionibus
35
et strage fraterna et rapinis:
36
arma furens Catilina praestat.
37
Sonant acerbis omnia fletibus.
38
Extrema cives damna sibi timent.
39
Quis pellet instantem ruinam
40
et tribuet meliora fata?
41
Sic quisque poscit, pectore fervido
42
orans ut adsit rebus in arduis
43
Deus benigno numine atque
44
respiciat lacrimas bonorum.
45
Fallorne? Qui nos sospitet, advenit!
46
Pugnavit audax per juga montium
47
densos in hostes, ac redivit
48
vulnere magnanimo decorus.
49
Nunc ille Romam laudibus inclitus
50
pacem daturus civibus advolat:
51
fulgoribus vultus coruscat,
52
dextera laxat equum superbum.
53
Vulgus gravantum corda Quiritibus
54
dudum senili desidia fugit;
55
it turba vesano furore
56
nil agitans nisi diruenda.
57
Novo resurgit fulgida lumine
58
en Roma, prisco nomine non minor.
59
Sub nubibus, stridore acuto,
60
fulvae aquilae per aperta caeli,
61
praetervolantes aequora caerula,
62
labuntur orbis litus ad ultimum.
63
Polo ad sonum alarum frementum
64
Icarus impavide potitur.
65
Beatus! etsi grandibus obstitit
66
crudele fatum protinus ausibus.
67
Non lenis e terris ad astra
68
est via: Romulidûm alta virtus
69
et ipsa crevit sanguine plurimo.
70
Nonne Italorum gloria nobilis,
71
si patriae voces loquelae
72
personuere plagae silentes?
73
Dum vectus alis tu aethera transvolas,
74
praeclara patrum gesta domi aemula
75
virtus novat. Donant bonae artes
76
laetitiam et decus omne vitae,
77
quam ruris almi deliciae fovent.
78
Hinc sancta morum simplicitas, vigor
79
hinc corpori, hinc sana illa proles
80
imperium Italiae datura.
Mense Ianuar. anno MCMXXIX.