PDF
EXPORT
Anno IV ab Urbe per lictorias cohortes occupata - 1927
AUTHOR
THEMES/GENRES
AD DUCEM BENITUM MUSSOLINI
CARMEN
1
Salve, ardens Romanorum generosa propago,
2
Itala gens, iuvenes, vosmet ad astra feret.
3
Salve, terra ferax Cereris, Saturnia mater,
4
Jam colitur toto nomen in orbe tuum.
5
Nemo non meritis te nunc ad sidera tollens,
6
Laudibus, alma parens, inclyto amore canit.
7
Est vir magnanimus nobis a numine missus,
8
Per quem a pernice patria nostra salva foret.
9
Cursu decurrit mox corde Benitus anhelo,
10
Huc illuc oculos anxius ipse tulit,
11
Immani Italiam conspexit turbine mersam,
12
Vexatam fatis, tot variisque malis.
13
Publica erat tum diversis Res partibus acta
14
Imperii invisas quas faciebat amor.
15
Nec stabat medios inter tranquilla tumultus
16
Plurima bile tumens damna coacta pati.
17
Res homines summas populares quippe gerebant
18
Indigne, quod iis non pudor ullus erat.
19
Quodlibet his esset nomen, non commoda civis
20
Illi curabant, qui fremebundus erat.
21
Per multos adiens casus discrimina rerum,
22
Deciderat tum gens Itala cuncta ferens.
23
Pro pudor! Omnem olim victrix dominata per orbem,
24
En cernebatur subdita Roma potens!
25
Ambitio fera torquebant mortalia corda,
26
Impriique mali maximus ardor erat.
27
Mollia et ignavi peragebant otia cives,
28
Tanta ex desidia nata licentia erat.
29
Neglectum rus non gravidis candebat aristis,
30
Nam et piger agrestis seditiosus erat.
31
Ac minime fervebant opus laudabile semper,
32
Cessabat quoniam saepe repente labor.
33
In peius sane ratio nummaria versa,
34
Publica conciderat quod prope tota fides.
35
Explebat lente sua deses numera civis,
36
Officiis cedens illico saepe suis.
37
Iamque suis verbis civilia bella ciebant
38
Vulgi rectores: omnia mixtaque erant.
39
Praeterea miles maledictis semper onustus,
40
Vulneris accepti signa decora ferens.
41
Saepe minis magnis, saevo terrore movebat
42
Tranquillos cives seditiosus homo.
43
Et Regnum quoque Sabauda virtute refulgens,
44
Cingebat tantis tam variisque dolis.
45
Hinc erat idcirco tanta indignatio cunctis,
46
Ut vellent iras mittere corde suo.
47
At cohibebatur vix fervor mentis iratae,
48
Omnibus ulcisci crimina magnus amor.
49
Auxilioque vocare Deum et protendere palmas
50
Suppliciter coepit civis amans patriae.
51
Ausoniae moerens casus Hic misit ab alto
52
Qui cito nostra foret denique tota salus.
53
Vir clarus summusque statim nunc temporis ille,
54
Cui in re civili grandis usus erat,
55
In partes lectos iuvenes, fortissima corda
56
Contulit: his graviter Martius ardor erat.
57
Hisque quidem clarum nec non memorabile nomen
58
Notis Fascismo a fascibus ille dedit.
59
Lecta mox acie simul est occasio lata,
60
Praeclarum Romam protinus egit iter.
61
More triumphantis Dux est ingressus in Urbem,
62
Quae excepit iuvenes, gaudia magna gerens.
63
Qui moderabantur summam pallescere rerum,
64
Quod malesana quidem mens erat acta metu.
65
Imperium invidia capti posuere dolentes,
66
Ac gens Italiae denique laeta fuit.
67
Mox in Aventinum montem cessere furentes,
68
Notitia scelerum quisque sed actus erat.
69
Seditiosaque ibi moliri crimina cives,
70
Tempora cum cuperent iam meliora sibi.
71
Insani! Patriae tot damna parare nocentes!
72
Quae tanta improbitas his odiosa fuit?
73
Interea rerum Dux, Rege favente, potitus,
74
Nauta sat Italiae callidus ille fuit.
75
Incubuit sollers in cuncta negotia prorsus,
76
Ingenium patriae fortiter omne dicans.
77
Urbsque patrem patriae Ductorem libera dixit,
78
Excellens eius nomen in astra ferens.
79
Publica tunc aequis vero Res legibus usa,
80
Hisque fuere gravi cuncta refecta Duci.
81
Civiles plene renovati denique mores,
82
Iuraque sacra hominis, tum reparata fides.
83
Officiis hodie nemo non fungitur ultro,
84
Assiduus quoniam fervet ubique labor.
85
Seditiosi homines fracti fatisque repulsi;
86
Nullaque seditio iam neque motus erit.
87
In praesens minime tandem vexare nefande
88
Relligionem plus impia secta potest.
89
Externis magni populis est Itala tellus,
90
Digna quidem nunc quam semper honore colant.
91
Res pollet nunc Ausoniae quod pendet ab uno
92
Quem patriae constat restituisse decus.
93
O referat grates, quoniam non possumus ipsi,
94
Omnipotens Deus, ac praemia summa tibi!
95
Pro meritis celsis Superum Rex reddat opima
96
Munera, maxime Dux, tempus in omne tibi!
97
Egregie vivas et oves multosque per annos,
98
Tollimus in caelum plurima vota Deo.
99
Suspensus pereat scelus in te mente voluntas,
100
Nam sacer es populo, Dux venerande, tuo!
101
Postremo nunc Romano tibi more salutem,
102
Semper, io, sursum corda, triumphe canant!
103
Et vobis dicamus, io, quibus edere vitam
104
Pro patria nostra quippe necesse fuit!
105
Sanguine diffuso vos pulchra trophaea tulistis,
106
Fascistae, vobis gloria semper erit.
Neti, Kal. Apr. 1927, Anno V Aevi Lictorii
