PDF
EXPORT
Duci nostro - 1938
AUTHOR
The following text is taken from Giovanni
Battista Buffatti, Duci nostro (Verona: La Tipografica Veronese, 1938). The
copy used as a basis for this transcription has been damaged leading to the
loss of parts of the Italian translation of the poem.
TE BENE DUCEM!
1
O Ducis adventu felix Verona potentis,
2
Signa hodie cunctis fulgida pande locis.
3
Qui fortis quondam hic meruit stipendia Veles,
4
Notaque visurus castra vetusta redit,
5
legibus insignis Patriam nunc temperat aequis,
6
Imperia et Princeps summa Minister habet.
7
Exsulta nomenque Viri modo plausibus effer,
8
“Te bene” Dux noster, clamor ad alta ferat.
9
Quingentosque decem Dantes et quinque saluti
10
Senserat Italiae magnae aliquando fore.
11
O qui Vergilium et Musas extollis Ovidi,
12
Ac Flacci semper carmina laeta canis,
13
Nonne Ducis vates illos celeberrima nostri
14
Laude elaturos gesta fuisse putas?
15
Tranquillo e vultu constans vigor eminet Illi:
16
Cordibus en juvenes verba fidemque bibant.
17
O Dux, e coelo Omnipotens Tibi munera donet,
18
Ac mentem afflatu concitet usque tuam!
19
Te pietas celebrat nostra communis in urbe
20
Egregium Italiae conspicuumque decus.
21
Per Te magnae Italis plagae conlata potestas,
22
Ac vita Aethiopum libera facta jugis.
23
Conditor imperii legum et moderamina praebes,
24
Quae signa et faustae candida pacis erunt.
25
Foedere pax homines jungat, Te auctore, perenni,
26
Ne exitio cunctis bella cruenta gerant.
27
Grato hodie Verona Tibi conclamat amore:
28
“TECUM OMNES!” coeptum perge animosus iter
Sac. Io. Bapt. BUFFATTI
Optimarum artium Doctor.
Optimarum artium Doctor.