FLT Work: Benito Mussolini, fulgido Italiae sideri

BENITO MUSSOLINI
fulgido italiae sideri
________

1
Rector o prudens populi triumphis

2
Nate, sic vitam siculis ab undis

3
Usque ad alpinos apices et ultra

4
                  Fundere gaudes,

5
Pharmacis miris solet ut Galenus,

6
Qui et cutis ferro secuit tumorem,

7
Pharmacum quando nequit alma ferre

8
                    Munera Hygiae.

9
An dolor frustra subolem requirens,

10
(Vere quam vitae roseo peremit

11
Impius Mavors) cerebrum catervae,

12
                     Abstulit omne?

13
Splendidi nostri artifices trophaei

14
Huc et illuc se mutili ferebant;

15
Pes manus, quales genetrix in alvo

16
                  Non tulit ulla.

17
In plateis turba tumultuabat

18
Agramantis non secus ac phalanges

19
Somniabatque Elysios beatos

20
                    Auspice Lènin.

21
Tuque romanas aquilas, Benite,

22
Erigens dextra; Comites, adeste!

23
Imperare et fata subire promptis

24
                  Voce tonasti.

25
Sicut heroes validam flagrantes

26
Aggredi turrim, temerant cruoris

27
Purpura calles; ita nostra scandunt

28
                  Robora pubis.

29
O epheborum intrepidae cohortes!

30
O nigrae dorsum super et lacernae!

31
Pulcrior vestro minime triumpho

32
                    Aurora Guidonis.

33
Dux, tibi laus! Agricolae quiescunt

34
Tempore aestivo viridi sub umbra

35
Palmitum, sub te procul intuente,

36
                  Itala tellus.

37
Illico ut perflat Boreas minaces

38
Evolant nimbi et remeat serenum,

39
Montium culmen super atque laetos

40
                    Ubere campos.

41
Symbolum fasces melioris aevi

42
Mox ut apparent gravis ecce nimbis

43
Igneis telisque, repente nubes

44
                   Diffugit omnis.

45
Aetheris septem rutilans colores

46
Iris effundit superas in oras,

47
Spes trophaeorum quatit in nepotum,

48
                   Cordibus alas.

49
Canticis mixtae rapidisque bigis

50
Quae volant circum aethera visiones?

51
Insubres, rursus populi latini

52
                   Gloria fulget?

53
Hannibal dirus celebrat triumphos?

54
Barbaras turmas Alarìcus urget?

55
Trans io Plavim dare tergus Istri

56
                  Agmina cerno.

57
Pectore e nostro minime recedet

58
Inclitus Paean itali trophaei;

59
Corruent aevi in barathrum profundum

60
                  Saecula centum,

61
Gentis at nostrae memoranda gesta

62
Posteri discent superante Clio

63
Nobili plectro resonas virorum

64
                    Mille phalanges.

65
Post tot illustres animas opesque

66
Gurgite infesto mare quas voravit

67
Callidi effecti populi requirent

68
                    Munera pacis?

69
Aestuat montis velut ignis extis

70
Abditus bellum; gladii sub umbra

71
Et Sabaudo sub duce militantes

72
                  Martis alumno,

73
Non feros ullos metuemus hostes

74
Sol ubi lassus requiescit undis,

75
Sol ubi aurorae decorat rubenti

76
                   Lumine peplum.

77
Coepit a te, desinet atque cantus

78
En tibi: luces niveis, Benite,

79
Adnotes scrupis, superesque cunctos

80
                    Nestoris annos.

81
Te dedit nobis dominator orbis

82
Ut novas mundo populos regendi

83
Indices artes, opibus faventes

84
                   Atque labori.

85
Vox mihi cycni quoque Mantuani

86
Caesarem tollens super astra divum,

87
Ah tuas omnes pariter nequirem

88
                   Dicere laudes!

89
Usque dum tu navita fortis, audax,

90
Firmiter clavum manibus tenebis,

91
Imperatura approperabit orbi

92
                   Itala tellus.

93
Imperatura et fide moribusque,

94
Nam Petri sedes, meritisque longum

95
Imperatura exoriente lauris

96
                    Robore in aevum.