FLT Work: Sincerus

SINCERUS
____

1
Verba nefanda piget me tunc scripsisse, Benite,

2
    In fasces, omnes cum Briareus erant.

3
Quae fuerint haec verba aliquis fortasse requirat,

4
    Dicam: confesso des veniamque mihi.

5
Imprudens egi, laudes pro crimine solvam.

6
    Victori modulans « lo triumphe! » tibi.

7
Verba nefanda Mane Thecelque Pharesque fuere,

8
    Pariete quae vidit Baltasar in niveo;

9
Regales inter mensas calicesque rubentes,

10
    Quando profanavit procula santa Dei.

11
Expavit, steteruntque comae, vox faucibus haesit,

12
    Convivae et cuncti contremuere genu.

13
Candens in morem lilî fit vultus eorum;

14
    Conantur frustra solvere sphynga Magi.

15
O Daniel, supera affatur quem Numinis aura,

16
    Rumpe moras, propera, tristibus affer opem.

17
Hebraeusque puer spernens promissa potentis

18
    Munera Baltasaris talia voce refert :

19
– Mi rex, implevit coeli qui regnat in arce

20
    Vitalis cursus tempora cuncta tui.

21
Appensus quoque divina tu in lance fuisti,

22
    Inventusque satis pondus habere minus,

23
Divisumque tuum est regnum Medisque tributum

24
    Persisque; hac, fossus cuspide, nocte cades. –

25
Quae non blandisono praedixerat ore propheta

26
    Eveniunt: Babylon magna sub hoste ruit.

27
Imprudens egi, tribuas veniamque precanti,

28
    Vulnere si laesi, Dux, tua corda gravi.

29
Non Mane Thecel Phares scribatur in aula,

30
    Qua pulcrae fatis deditus Ausoniae

31
Tu resides humeros nigro contectus amictu

32
    Impiger herculeus quem terit usque labor,

33
Sed «Dabit iste vir imperium, si summus ab alto

34
    Iuppiter ut coepit, pergere vellet opem.»

35
Tu pollens animis virtuteque, gentibus absque

36
    Moribus atque fide ponere vincla studes.

37
Atque italae plebi sic mandere lora dedisti

38
    Ut fuerit lenis bellua facta ferox.

39
Paciferoque Petri collem, collemque Quirini

40
    Palmite condecoras exhilarasque tuo.

41
Bella licet moveant crudelia monstra, triumphos

42
    Ne timeas victor tempus in omne canes.

43
Ergo age, macte animo; statuerunt fata Latinos

44
    Orbis terrarum ducere ad imperium.

45
Magne Benite vale, vivasque per ora virorum

46
    Dum silvae frondes, gramina prata gerent.

47
Semina iecisti quae crescent altero in aevo;

48
    Tu sator et cultor, tu quoque messor eris.