FLT Work: Dux

1
Qui vagum certis regit orbem habenis

2
Alpium canam tibi duxit arcem,

3
Cinxit Idem te pelago sonante,

4
                Itala Tellus.

5
Gentibus leges domitis dedisti

6
Mitibus parcens, perimens superbas;

7
Imperi fines marium per oras

8
                Firma stitisti.

9
Saecla bis septem resides per annos

10
Heu! mali quanta strue te obruerunt;

11
Fulserat quod jam diadema gemmis

12
                Condidit umbra.

13
Barbari praedae cupidi per Alpes,

14
Tenve tutamen refugis catervis,

15
Provolant, instant laribus focisque;

16
                Roma fatiscit.

17
Dedecus quod non tulimus Quirites,

18
Romuli proles, sine jure nomen?

19
Fluxit et tellus populata multo

20
                Sanguine fratrum,

21
Donec insignis pietate et armis,

22
Consili compos validusque dextra

23
Fecit ex multis patriam Sabaudus

24
                Gentibus unam.

25
Tempus at laevi subit inde fati,

26
Funebres instant Stygiae sorores,

27
Fumida ex Aetna Vesulum ad coruscum

28
                Omnia miscent.

29
Heu! novatores trepidum dolosis

30
Artibus turbant populum minaces;

31
Urget et saevis stimulis egestas

32
                Pectora caeca.

33
Martyres frustra Patriae per arces

34
Strage discerpti mutilique fratres,

35
Saucii heroes reducesque fortes

36
                Ultima passi

37
Culmine ex alto ruit alma Roma.

38
Ecce adest DUX, quo melius nihil jam

39
Conditor rerum neque majus unquam

40
                Misit in orbem.

41
Indiges Romae, Geminus revixit,

42
Fata Romanos nec agunt acerba,

43
Nec Remi sanguis nece nos cruentat,

44
                Romule plaude!

45
Dic Camillo signa referre prisca,

46
Quae fugam Brenni stupuere turpem;

47
Scipioni dic retinere Romam

48
                Africa rura.

49
Quas et Aegaei quatit unda ponti

50
Insulas leges moderantur Urbis,

51
Et merum mutat Rhodiasque merces

52
                Itala pinus.

53
Dic et Augusto superas in auras

54
Ejus haeredem similem exiisse,

55
Quem Elysi stirpi comitem nepotum

56
                Non Maro dixit.

57
Quem Pater Dantes cecinit Propheta

58
En lupae venit canis ultor acris;

59
Pellicem DUX cum tumido gigante

60
                Morte necavit.

61
Urbis in coelo duo lucida astra

62
Emicant fausto geminaque luce

63
Vestiunt colles, columen perennis

64
                Juge salutis.

65
Jam redit Virgo, nova jamque coelo

66
Devolat proles celerans triumphos,

67
Imperi laudes veterumque facta

68
                Aemulatura.

69
Jam DUCIS jussu refluunt paludes,

70
Frugibus flavis onerantur arva,

71
Arbores montis juga celsa opacant

72
                Imaque vallis.

73
Daedali solis jubar alae obumbrant,

74
Mille munitae mare arant carinae,

75
Pectora heroum Patriae redempta

76
                Limina claudunt.

77
Mente concordes properant ad unam

78
Itali metam; volucres cohortes

79
Fascium DUCTOR stimulat manentque

80
                Praemia laudis.

81
Serus in coelum redeas precamur,

82
O micans Sol, sola Salus, spei Fons,

83
Te DUCEM cives venerentur omnes

84
                Urbis et orbis.